Saygılı Gagauziyanın yaşayannarı, üüretim çalışannarı, sevgili üürenicilär!

Büün biz kutlêêrız 28-ci yıl dönümünü, nicä kuruldu bizim Gagauz Avtonomiyamız.

Büünkü Gagauziyanın Avtonomiyası-o halkın keskin fikirlerin hem dirliin sonuçları, onnarın koyulmuş neetlerin başarıları hem paalılıkları, angıları yardım etti kurmaa Avtonomiyanın temelini.

Biz hodullanêrız hem sayêrız o kurucuları, angıları kurdu Gagauz Respublikamızı hem Avtonomiyamızı. Bizim borcumuz - korumaa o prinţipleri hem paalılıkları, angıları koyuldu, nicä temel bizim Avtonomiyamıza.

Büünkü Gagauziyamız - Moldova Respublikanın bütün kuvetlän çalışan hem ilerleyän bir dolayımız, angısı koruyêr kendi kendiliini, savaşarak gün - gündän taa ii olmaa.

Gagauziyanın eni evlad boylarına hem insannara, angıları bu yaşamayı bilerlär  taa derindän, bütün onun zorluklarınnan, lääzım olsunnar birliktä da emin olarak yarınkı günä, tutunup kol-kola, gitsinnär  sade ileri, koyarak kendinä eni neetlär!

Dileriz sizä  annaşmak, uygunnuk, ilerlenmäk, iilik hem çok yıllara birliktä yaşamak!