Nikolay Baboglu — anılmış hem saygılı gagauz yazıcısı, poet, folklorcu.

Hederlez ayın 2-dä aydınnadıcının, Büük Ustanın, Gagauz literaturasının klassiyin, poêtın hem yazıcısının, dramaturgun hem folklorcusunun, aaraştırmacısının hem publiţistin, Nikolay Baboglunun duuma gününün 95-ci yıldönümü tamannandı.

N. Baboglunun adına hepsi okullarda açık urok geçti, neredä üürenicilär gösterdilär halk adetlerini, angılarını ustayca yazdırdı yazıcı kendi yaratmalarında. Üüredicilär ușaklarlan barabar annattılar N.Baboglunun biografiyasını.  Üürenicilär annattılar pek çok N.Baboglunun şiirlerini türlü temalara görä, gösterildilär sţenkaları “Eski adetlär batȇr”, “Karımcalık” annatmaların fragmentlerinä görä, çalındı türkü N.Baboglunun şiirinä görä “ Hay, Moldova ,vatanım!”.

Bütün ay süresindä ușaklar kablettilär informațiya, angısı yardım edecek korumaa, desteklemää, ilerletmää gagauz dilini, urgulamaa gagauz dilinin erini hem paalılıını ruh hem kultura uurunda.