Bu yortulara karşı Gagauz Yeri Genel üüretmäk müdürlüü kurdu bir Regional programasını. Bu programaya görä üürenicilär hem üüredicilär pay alaceklar meraklı olaylarda: açık uroklarda, açık meropriyatiyalarda, onlayn konkurslarda hem akţıyalarda, Gagauz Dilindä Genel Diktantta.

Bu meropriyatiyaları geçirärkän, Bakannık koydu neetinä, ki üürenicilärlän hem üüredicilärlän barabar korumaa, desteklemää, ilerletmää gagauz dilini. Urgulamaa gagauz dilin erini hem paalılıını ruh hem kultura uurunda.

Danışêrız hepsi üürenicilerä:

Paalı uşaklar!

Teklif ederiz hepsinizi, bu ayın içindä hem da herzaman havezlän katılasınız herbir gagauz dilindä geçän meropriyatiyasına.

Buyur ederiz gösteräsiniz becermeklerinizi: gözäl hem dooru gagauzça lafetmesindä; zengin hem şıralı ana dilimizin kullanmasında; ezber, duygulu gagauz yaratmalarını hem şiirlerini okumasında. Geniştän hem derindän açıklayın kendi sevginizi ana tarafımıza, ana dilimizä.

Teklif ederiz hepsini: lafedelim da ilerledelim Ana Dilimizi!